ចោរលួចអាគុយបង្គោលអង់តែនស្មាត៣នាក់ ចាប់បានម្នាក់ប្រគល់ឲ្យសមត្ថកិច្ច
06-June-2016 | ដោយ មែន កំសត់
ខេត្តកណ្តាល ៖ ចោរលួចអាគុយបង្គោលអង់តែនទូរសព្ទ័ស្មាត៣នាក់ ត្រូវតំណាងក្រុមហ៊ុននិងម្ចាស់ដីព័ទ្ធចាប់បានម្នាក់ប្រគល់ឲ្យ សមត្ថកិច្ចចាត់ការតាមផ្លូវច្បាប់ កាលពីវេលាម៉ោង១៧និង៣០នាទី ថ្ងៃទី០៤ ខែមិថុនា ឆ្នាំ២០១៦ នៅចំណុចភូមិទួលត្នោត ឃុំគគីរ ស្រុកកៀនស្វាយខេត្តកណ្តាល ។ ជនសង្សយ័ដែលតំណាងក្រុមហ៊ុនចាប់ឃាត់ខ្លួនប្រគល់ឲ្យសមត្ថកិច្ចនោះ ឈ្មោះ ម៉ី ឌុយ ភេទប្រុស អាយុ៤៦ឆ្នាំ ជនជាតិខ្មែរ មុខរបរបើកឡានឲ្យក្រុមហ៊ុនCHOICE ស្នាក់នៅភូមិព្រៃទា សង្កាត់ចោមចៅ ខណ្ឌពោធិ៍សែនជយ័ រាជធានីភ្នំពេញ។
រីឯបក្ខពួក២នាក់ទៀតមិនស្គាល់អត្តសញ្ញាណបានរត់គេចខ្លួនបាត់។ ចំណែកភាគីតំណាងឲ្យក្រុមហ៊ុនមាន២នាក់១.ឈ្មោះ សេង វិចិត្រ ភេទ ប្រុស អាយុ៣៦ឆ្នាំ មានទីលំនៅផ្ទះលេខ៣បេ ផ្លូវលំ ភូមិស្លែងរលើង សង្កាត់ទឹកថ្លា ខណ្ឌសែនសុខ រាជធានីភ្នំពេញ មុខរបរវិស្វករអគ្គិសនី តំណាងក្រុមហ៊ុនអ៊ីដតកូ។ ២.ឈ្មោះ ពាង រ៉ាឌី ភេទប្រុស អាយុ៣៥ឆ្នាំ មានទីលំនៅផ្ទះលេខ១៧ ផ្លូវ២៥៥ ភូមិ៨សង្កាត់បឹងសាឡាង ខណ្ឌទួលគោក រាជធានីភ្នំពេញ មុខរបរវិស្វករអគ្គិសនីតំណាងក្រុមហ៊ុនស្មាតអាស៊ីតា។ ក្រោយពីធ្វើការឃាត់ខ្លួន សមត្ថកិច្ចរឹបអូសបានវត្ថុតាងអាគុយម៉ាកShoto ចំនួន8គ្រឿង នៅក្នុងរថយន្តម៉ាកហាយលែនឌឺ ពណ៌ខ្មៅពាក់ស្លាកលេខភ្នំពេញ 2T-0553 មួយគ្រឿងដែលជាមធ្យោបាយសម្រាប់ជនសង្ស័យជិះធ្វើសកម្មភាព។ ជនសង្សយ័ និងវត្ថុតាងត្រូវប្រគល់ជូនសមត្ថកិច្ចនគរបាលស្រុកកៀនស្វាយចាត់តាម នីតិវិធីច្បាប់៕
ចំនួនអ្នកទស្សនា
- ថ្ងៃនេះ2401
- ម្សិលមិញ14181
- សប្តាហ៍នេះ2401
- ខែនេះ117551
- ឆ្នាំនេះ117551
- សរុប20560007